నేను ఒక వేళ కవిత రాస్తే ........

నేను ఒక వేళ కవిత రాస్తే ........
కవిత లంటే నాకు చాల ఇష్టం ..కానీ రాయడం రాదు కదా ! అందుకని ఒక వేళ రాస్తే ఎలా ఉంటుందో చదివిన వాళ్ళ పరిస్థితి ఏంటో అని ఎదో ఒక సుత్తి రాస్తున్నా !
నేను రాస్తే కవిత
చదివేటప్పుడు కలత
ఆపై కొంచెం నలత
ఇక ఆపై ఉండదు భవిత
ఇదంతా వారి తలరాత
వారికి దిక్కు విధాత

************************** ఇంకొక సుత్తి ************************
నా కవిత కి ఉండదు అర్ధం
తెలుసుకోవాలనుకోవడం వ్యర్ధం
తెలుసుకుంటే అనర్ధం
చదువుతారనుకోవడం నా స్వార్ధం
మొత్తానికి అది సుత్తి పదార్ధం


******************* మరి దీన్ని ఎమంటారో నాకు తెలీదు ****************
కల కాలం నిలిచే కవితలు రాయాలని
ఆకట్టు కొనే కధలతో కనికట్టు చేయాలనీ
................నా కల .....కానీ
కలత చెందిన నా మది కవిత రాయలేనన్నది....
కదలలేని నా కలం కధలు రాయనన్నది
బీడు భూమి లో హలం పట్టిననేమి ?
మోడు వారిన హృదయంతో కలం పట్టిననేమి ? వృధా కదా !
కాలం లో కలిసిపొతుందా నా కలం
కల గా మిగిలిపొతుందా నా కలం ...మీరే చెప్పాలి మరి .