కాసేపు సరదా

పెట్టుబడికి, శ్రమ కి తేడా ఏంటి ?
టీచర్ : పెట్టుబడికి, శ్రమ కి తేడా ఏంటి ?
హరి : మీరు ఒక వ్యక్తి కి డబ్బు అప్పిచ్చారనుకోండి, మీరు అప్పు ఇచ్చిన డబ్బు పెట్టుబడి. దాన్ని మీరు అతని దగ్గర నుంచి వసూలు
చేయడానికి చేసే ప్రయత్నాలు శ్రమ.
---------------------------------------------------------------------
వారెవ్వా! ఏమి చెప్పేవు
చిన వెంగళప్ప : అన్నయ్య !' గో ' కి వెర్బ్ ఫామ్స్ చెప్పవా !
పెద వెంగళప్ప : వేరి సింపుల్ రా, GO , GOKED , GOKEN .

---------------------------------------------------------------------

నభూతో... నభవిష్యత్

మారిషస్
లెక్కలేనన్ని బీచ్ లతో, పచ్చని కొండలు, అడవులతో అందంగా ఉండే ద్వీపం మారిషెస్. ఈ సమయంలో అక్కడ కొద్దిగా ఎండతో, అప్పుడప్పుడు చిరుజల్లులతో, 24 డిగ్రీల మినిమం టెంపరేచర్ తో గమ్మతైన శీతాకాల వాతావరణం పర్యాటకులను ఆకట్టుకుంటుంది. ముఖ్యంగా హనీమూన్లకు ఈ సమయం అనువైనదిగా చెబుతారు. బీచ్ లకు పెట్టింది పేరు అయిన మారిషెస్ లో బ్లూబే బీచ్, పెరేయ్బెరే బీచ్, లా ప్రేనేఉసే బీచ్ వంటి తదితర బీచ్ లు కేవలం పర్యటకులనే కాకుండా షూటింగుల కోసం సినిమా వాళ్ళను కూడా అమితంగా ఆకర్షిస్తాయి.

కొన్ని ఆలోచనలు..

ఇష్టం

ఇష్టానికి మరణం ఉండదు
ఇష్టం ఉన్నపుడు కష్టానికి జననం ఉండదు!
-----------------------------------------------------
అతను - ఆమె

అతను - చందమామ
ఆమె - వెన్నెలమ్మ
చందమామ, వెన్నెలమ్మ రెండు కాదు ఒకటే.
---------------------------------------------------------
ప్రేమంటే...

ఒక్కోసారి అనిపిస్తుంది ప్రేమంటే -

"రెండు బలహీన హృదయాలు చాలా బలంగా ఇష్టపడడం" అని.
----------------------------------------------------------------
మన ప్రాణాలన్నీ...

నీ ఒంట్లో నలతగా ఉందంటేనే
నా మనసు ఎంతో కలత చెందుతుంది!
నా పంచ ప్రాణాలూ నీ ఒక్క ప్రాణమే అంటే
నా ఒక్క ప్రాణం కోసం నీ పంచ ప్రాణాలు పనంగా పెట్టవా?
మన ప్రేమలో ఒక్కోసారి నాకు బలంగా అనిపిస్తుంది-
కష్టం నీది అనుభవించాలని.. సంతోషం నీతో అనుభవించాలని...
---------------------------------------------------------------------

పాత మిత్రులు ఒక్కటవుతారా

పాత మిత్రులు ఒక్కటవుతారా అనేది ఆసక్తికరంగా మారింది. కలెక్షన్ కింగ్ మోహన్ బాబును తెలుగుదేశం పార్టీ అధ్యక్షుడు నారా చంద్రబాబు నాయుడు దువ్వుతున్నట్లు ప్రచారం సాగుతోంది. స్టార్ అట్రాక్షన్ కోసమే కాకుండా సామాజిక వర్గంలో సమతౌల్యం కోసం చంద్రబాబును దగ్గరకు తీసుకోవాలని ప్రయత్నిస్తున్నట్లు చెబుతున్నారు. తన బావమరిది హరికృష్ణ, మేనల్లుడు జూనియర్ ఎన్టీఆర్ తనపై కత్తి కట్టిన నేపథ్యంలో మోహన్ బాబును చేరదీయాలని చంద్రబాబు భావిస్తున్నట్లు చెబుతున్నారు.



జూనియర్ ఎన్టీఆర్ పెళ్లిలో చంద్రబాబు మోహన్ బాబుతో మాట్లాడుతూ చంద్రబాబు ఎక్కువ సమయం గడిపారు. బావ మరిది, రాజ్యసభ సభ్యుడు నందమూరి హరికృష్ణతో ఆయన ఎడమొహం పెడమొహంగానే ఉన్నారు. తాను కుదిర్చిన పెళ్లి కాబట్టి చంద్రాబాబు కాస్తా హడావిడి చేసినట్లు భావిస్తున్నారు. చంద్రబాబు కుమారుడు నారా లోకేష్ కూడా ఏ విధమైన విభేదాలు లేనట్లే పెళ్లిలో జూనియర్ ఎన్టీఆర్‌తో వ్యవహరించారు.

సూర్యనమస్కారం.. సమస్యలు దూరం

వేకువనే నిద్ర లేచి దినచర్య మొదలుపెడితే.. మానసికంగా, శారీరకంగా బోలెడు ప్రయోజనాలు. అలా లేచిన వెంటనే పనిలో పనిగా లేలేత భానుడికి నమస్కారాలు చేయాలని కొన్ని అధ్యయనాలు చెబుతున్నాయి. దానివల్ల కలిగే ప్రయోజనాలు అన్నీ ఇన్నీ కావంటున్నాయి.

సూర్యనమస్కారాలు చేయడం వల్ల గుండెకు చాలా మేలు జరుగుతుంది. కవాటాలకు రక్త సరఫరా చురుగ్గా ఉంటుంది. అలాగే రక్తంలో ప్రాణవాయువు శాతమూ సజావుగా సాగుతుందని చెబుతున్నాయి అధ్యయనాలు.

అజీర్తి సమస్యలు ఉన్నవారు.. నిపుణుల సూచనలతో సూర్యనమస్కారాలు చేయాలి. దీనివల్ల ఎంతో మార్పు ఉంటుంది. అలాగే నాడీవ్యవస్థా చురుగ్గా పనిచేస్తుంది. శ్యాసకోస సమస్యలుంటే దూరమవుతాయి. ఒత్తిడి, మానసిక కుంగుబాటు వంటివి దూరమై తనువు, మనసు ఉత్తేజితమవుతాయి.


నిద్రలేమి సమస్యలతో బాధపడేవారికీ ఇది చక్కని పరిష్కారం. ఇలాంటి వారు నిశబ్ద వాతావరణంలో సూర్యనమస్కారాలు చేయాలి. చాలా మార్పు కనిపిస్తుంది. బద్ధకం వదిలి రోజంతా చురుగ్గా ఉల్లాసంగా ఉండాలన్నా సరే.. దీనిని మించిన ప్రత్యామ్నాయం లేదు. చేస్తున్న పనిపట్ల శ్రద్ధ, ఏకాగ్రత అలవడుతుంది.

వూబకాయం ఉన్నవారికి ఇది ఎంతగానో మేలు చేస్తుంది. క్రమం తప్పకుండా చేయడం వల్ల ఉదర కండరాలు దృఢమవుతాయి. పొట్ట చుట్టూ పేరుకొన్న కొవ్వు ఇట్టే కరిగిపోతుంది. సూర్య కిరణాల ప్రభావంతో శరీరంలోని అధిక కెలొరీలు ఖర్చవుతాయి. కొవ్వు నిల్వలు కరిగిపోతాయి. వెన్నెముక దృఢమవుతుంది. జ్ఞాపకశక్తి మెరుగవుతుంది. శరీరం తాజాదనాన్ని సంతరించుకున్న మార్పు ఇట్టే కనిపిస్తుంది.

నెలసరి సంబంధ సమస్యలతో బాధపడేవారు తరచూ వీటిని చేయడం మంచిది. అధ్యయనాల ప్రకారం.. యుక్తవయసు నుంచి సూర్యనమస్కారం చేయడం వల్ల భవిష్యత్‌లో ప్రసవ సమయంలో ఎదురయ్యే ఇబ్బందులను చాలామటుకు నివారించవచ్చు.

లేలేత, నులివెచ్చని సూర్యకిరణాలు ముఖాన్ని తాకితే చర్మానికి మేలు జరుగుతుంది. ముడతలు తొలగిపోతాయి.. వృద్ధాప్య చాయలు కనిపించవు. జుట్టు కూడా ఆరోగ్యంగా ఉంటుంది. చుండ్రు సమస్యను సైతం నివారించవచ్చు.

అయితే... వీటిని చేసేముందు.. వైద్యుల సలహా తప్పనిసరిగా తీసుకోవాలి.

వైయస్ జగన్‌ను ఎదుర్కోగలరా?

ముఖ్యమంత్రి కిరణ్ కుమార్ రెడ్డి, తెలుగుదేశం పార్టీ అధ్యక్షుడు నారా చంద్రబాబు నాయుడు వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని ఎదుర్కోగలరా అనే అనుమానం కలుగుతోంది. వైయస్ జగన్ కాంగ్రెసుపైనా తెలుగుదేశం పైనా ప్రతీకారం తీర్చుకుని, తాను అధికారంలోకి రావడానికి ఎంత శ్రమకైనా ఓర్చుకునేందుకు సిద్ధపడినట్లు కనిపిస్తున్నారు. ప్రజల్లోకి వివిధ రూపాల్లో విస్తృతంగా వెళ్లడానికి ఆయన సిద్ధపడ్డారు. కడప ఉప ఎన్నికల ప్రచారంలో ఆయన దాదాపు నెల రోజుల పాటు తెంపు లేకుండా తిరిగారు. తాను ఎలాగూ గెలుస్తాననే అతి విశ్వాసంతో గానీ ఇతర పార్టీల బలహీనత తనను గెలిపిస్తుందనే నమ్మకంతో గానీ నిర్లక్ష్యం చేయకుండా తిరిగారు.

ఉప ఎన్నికల ఫలితాలు వెలువడిన వెంటనే ఆయన రైతు సమస్యలపై గుంటూరులో 48 గంటల పాటు దీక్షకు దిగారు. వైయస్ జగన్ తన దీక్ష విషయాన్ని ప్రకటించగానే చంద్రబాబు గుంటూరు జిల్లాలో రైతు సమస్యలపై పర్యటించారు. జగన్ దీక్ష ముందు అది పని చేసే పరిస్థితి లేదని అర్థమవుతోంది. శారీరక శక్తితో పాటు లక్ష్య సాధన పట్ల దీక్ష ఆయనను ముందుకు నడిపిస్తోంది. ఆ శక్తి అటు కిరణ్ కుమార్ రెడ్డికి గానీ ఇటు చంద్రబాబుకి గానీ ఉన్నట్లు లేదు. జగన్‌లాంటి పట్టుదల, వయస్సు గల నాయకుడు మాత్రమే అయనకు దీటు రాగలడని అనిపిస్తోంది.

గుంటూరు రైతు దీక్ష తర్వాత జగన్ విజయనగరం జిల్లాలో ఓదార్పు యాత్ర చేపట్టనున్నారు. ప్రజల్లోకి వెళ్లే విషయంలో జగన్ ఎక్కడా విరామం ఇవ్వడం లేదు. అలా విరామం లేకండా చేపడుతున్న కార్యక్రమాల వల్ల కాంగ్రెసు, తెలుగుదేశం పార్టీలు కంగు తినే పరిస్థితే ఉంది. జగన్ ప్రాబల్యం క్రమక్రమంగా తగ్గుతుందనే నమ్మకంతో తెలుగుదేశం, కాంగ్రెసు నాయకులు ఉన్నట్లున్నారు. కానీ, ఆ ప్రాబల్యం, ఆదరణ తగ్గకుండా ఆయన కార్యక్రమాలతో ముందుకు సాగుతున్నారు.

బాబాయ్ బాలయ్యను కాదని జూనియర్ ఎన్టీఆర్ రాజకీయ వ్యూహం

బాబాయ్ బాలకృష్ణకు, అబ్బాయ్ జూనియర్ ఎన్టీఆర్‌కు మధ్య సంబంధాలు బెడిసికొట్టినట్లే భావిస్తున్నాయి. సోదరుడు నందమూరి హరికృష్ణ కూడా బాలయ్యకు అంతగా ప్రాధాన్యం ఇవ్వడం లేదని చెబుతున్నారు. బాలయ్యను పక్కన పెట్టి ఆయన తన కుమారుడు జూనియర్ ఎన్టీఆర్‌తో రాజకీయ వ్యూహ రచనకు శ్రీకారం చుడుతున్నట్లు తెలుస్తోంది. తెలుగుదేశం పార్టీ నాయకత్వ పగ్గాలు పార్టీ అధ్యక్షుడు నారా చంద్రబాబు నాయుడి కుమారుడు నారా లోకేష్‌కు దక్కకుండా అడ్డు పడడమే ప్రస్తుతం నందమూరి హరికృష్ణ, జూనియర్ ఎన్టీఆర్ అనుసరిస్తున్న వ్యూహమని అంటున్నారు.

నారా చంద్రబాబు నాయుడిని వ్యతిరేకించే స్థితిలో బాలకృష్ణ లేరనే విషయాన్ని జూనియర్ ఎన్టీఆర్ గుర్తించారు. గతంలో బాలకృష్ణ చేసిన ఓ వ్యాఖ్యపై కూడా జూనియర్ ఎన్టీఆర్ ఆసంతృప్తి వ్యక్తం చేశారు. తాజాగా, జూనియర్ ఎన్టీఆర్ నటిస్తున్న ఓ సినిమాలో బాలకృష్ణ అతిథి పాత్రలో కనిపించాల్సి ఉంది. అయితే, ఆ పాత్ర నుంచి బాలయ్యను తప్పించి హరికృష్ణ నటించడానికి సిద్ధపడినట్లు తెలుస్తోంది.

తెలుగుదేశం పార్టీ వారసత్వ పోరులో నందమూరి కుటుంబ సభ్యులు రెండుగా చీలిపోయినట్లు సమాచారం. ఈ చీలికలో బాలకృష్ణ చంద్రబాబు వైపు ఉండగా, చంద్రబాబుపై పోరుకు జూనియర్ ఎన్టీఆర్, హరికృష్ణ సిద్దపడినట్లు చెబుతున్నారు.

పాపం రెడ్డి గారి అబ్బాయి రైతు కోసం దీక్షలు

గతించిన రెడ్డి గారు ఇచ్చిన ఉచిత కరెంటుతో
కాయ కష్టం చేసుకొంటూ
సుఖంగా ఉన్నారు కదూ?
లేదు మీరు సుఖంగా లేరు
ఉంటే రెడ్డి గారు కొడుకు దీక్ష ల మీద దీక్ష లు చేసి
కడుపు మాడ్చుకొంటాడా?
మీ కోసం కేవలం మీ కోసం
రెడ్డి గారి శవం ఇల్లు చేరకముందు నుండే
స్వయంగా తనే రెడ్డిగారిలా
మీ మంచి చెడ్డలు చూసుకోవడం కోసం
కుర్చీ గురించి బెంగపడి సంతకాలు పెట్టిస్తే
అర్థం చేసుకోక అపార్థం చేసుకొని
అయ్యో నాన్న శవం రాకనే
పదవి కోసం పాకులాడెనే అనే ప్రచారం చేసారు.
పాపం రెడ్డి గారి అబ్బాయి అసుమంటోడంటే
నమ్మేస్తారా నమ్మకండి?
వాళ్ళ నాన్న జమానాలో కూడా మీ కష్టాలు చూడలేకే
తీరం వెంబడి ప్రభుత్వ ఆధ్వర్యాన స్వాధీనం చేసుకొంది.
లేదంటే మీరు సేద్యం సేద్యం అంటూ స్వేదం చిందిస్తారనే
సెజ్జులు పెద్ద పెద్ద స్టీలు ఫ్యాక్టరీలు అని అబద్దం చెప్పి
ప్రభుత్వ పరిహారాలు ఇప్పించి స్వాదీనాలు చేయించింది.
వారసత్వంగా రావాల్సి తప్పి పోయిన కుర్చీ మీద
కూర్చేబెట్టే వరకు తన బెట్టు వదలడు
మీ కోసం కేవలం మీసం రైతుగారు
వచ్చి పరామర్శించి పదవి వచ్చే లా చేయండి.

లబ లబ లాడుతారో ??

ఎప్పటి నుండో అట్టిపెట్టుకొన్న కానుక
ఫలితాలు ప్రకటించే వేళ
ప్రజలందరికీ సమర్పించారు.
అదే ‘చమురు ధరలు’
ఛీ ఛీ అనుకొంటారో
లబ లబ లాడుతారో
మీ ఇష్టం అంటూ
ఐదు రాష్ట్రాల ఎన్నికల తరువాత
తమ తలకు చమురంటిన చందం మాత్రం
మీకు కోపం తెప్పించినా ఎవరూ ఏమీ చేయలేరు?
ఎందుకంటే ప్రతి రాష్ట్రంలో చేతి నుండి పవరు పోయినా
కేంద్రంలో విశ్వాస పాత్రమైన దర్యాప్తు సంస్థలను
చెప్పు చేతల బట్టి
చెయ్యి ప్రధాన కుర్చీని పట్టి ఉంచుకొంటుంది.
ఊసురో మనే ప్రతిపక్షాలు ఉన్నంత కాలం
వాళ్ళు తమ కర్తవ్యమ్ చెయ్యలేదని విమర్శించే మన లాంటి వాళ్ళు
ఉన్నంత కాలం ఈ కాలం ఇలా చేతికి కలిసి పోతూ ఉంటుంది

చిరంజీవి కన్నా విజయ్‌కాంత్ బెట్టర్

చిరంజీవి ఆంధ్రదేశంలో మెగాస్టార్, విజయ్ కాంత్ తమిళంలో సూపర్ స్టార్. రాజకీయాల్లో ఇద్దరిదీ ఒకే పరిస్థితి. విజయ్‌కాంత్ ఐదేళ్ల క్రితం పార్టీ పెట్టి తానొక్కడే గెలిచాడు. మెగాస్టార్ మూడేళ్ల క్రితం పార్టీ పెట్టి శాసనసభలో 18 సీట్లు గెలుచుకున్నాడు. ఈ లెక్కన విజయ్‌కాంత్ కన్నా చిరంజీవి మెరుగ్గా కనిపిస్తారు. కానీ పార్టీని నిలబెట్టే విషయంలో, రాజకీయాలను ముందుకు నడిపిస్తూ తాను పుంజుకునే వ్యూహంలో విజయ్‌కాంత్‌నే గొప్పగా చెప్పాల్సి ఉంటుంది.

ఒక్క సీటు గెలిచినా ఏ మాత్రం నిరాశపడకుండా తన పార్టీ డిఎండికెను ముందుకు నడిపిస్తూ వచ్చారు. ఈ ఎన్నికల్లో అన్నాడియంకెతో పొత్తు పెట్టుకుని 41 సీట్లకు పోటీ చేసి 29 సీట్లు గెలుచుకున్నాడు. చిరంజీవి మాత్రం పార్టీని నడిపించలేక కాంగ్రెసులో విలీనం చేయడానికి పూనుకున్నారు. ఈ విషయంలో విజయ్ కాంత్‌ను చిరంజీవి కన్నా బెట్టర్ అని చెప్పక తప్పదు. ప్రస్తుతం తమిళనాడులో రెండు ప్రాంతీయ పార్టీల్లో ఓ ప్రాంతీయ పార్టీని దెబ్బ తీస్తే తన మనుగడ సాధ్యమని గ్రహించిన విజయ్ కాంత్ ప్రతిపక్షంలో కూర్చోవడానికి సిద్ధ పడ్డారు. ప్రభుత్వంలో చేరాలని అన్నాడియంకె నేత జయలలిత ఆఫర్‌ను తోసిపుచ్చారు. కరుణానిధి నాయకత్వంలోని డిఎంకెకు కేవలం 23 సీట్లే దక్కడంతో విజయ్‌కాంత్‌కు ప్రతిపక్ష హోదా లభిస్తుంది. ఆ రకంగా పార్టీని బలోపేతం చేయడానికి వీలవుతతుందనేది విజయ్ కాంత్ అభిప్రాయం.

కడప ఉప ఎన్నికలు మాత్రం గట్టి దెబ్బ వేశాయి.

జాతీయ కాంగ్రెసు పార్టీకి ఐదు రాష్ట్రాల ఎన్నికలు సంతృప్తి మిగిల్చినప్పటికీ కడప ఉప ఎన్నికలు మాత్రం గట్టి దెబ్బ వేశాయి. ఎన్నికలు పూర్తయి ఫలితాలు రావడంతో కాంగ్రెసు ఇక రాష్ట్ర కాంగ్రెసు ప్రక్షాళనపై అధిష్ఠానం దృష్టి సారించినట్లుగా తెలుస్తోంది. ఇందులో భాగంగా రాష్ట్ర వ్యవహారాల పర్యవేక్షకుడు గులాం నబీ ఆజాద్‌ సోమవారం హైదరాబాద్‌ రానున్నారు. రెండు రోజులు ఇక్కడే ఉండనున్నారు. కడప ఉప ఎన్నికల్లో పార్టీ ఘోరపరాజయాన్ని అగ్ర నాయకత్వం తీవ్రంగానే పరిగణిస్తోంది. ఫలితాలపై పోస్టుమార్టం నిర్వహించడంతోపాటు రాష్ట్రంలో పార్టీ పరిస్థితిని మెరుగుపరచుకోవడం అత్యవసరంగా భావిస్తోంది. ముఖ్యమంత్రి- కొందరు మంత్రుల మధ్య స్పర్థలున్నట్లు వార్తలు వస్తున్న నేపథ్యంలో పరిస్థితిని గాడిన పెట్టాల్సిన అవసరాన్ని గుర్తించింది. పీసీసీ అధ్యక్షుడు, ముఖ్యమంత్రి, మంత్రుల మధ్య సమన్వయం కరవై కిందిస్థాయి శ్రేణులు అయోమయంలో ఉన్న తరుణంలో ఆజాద్‌ పర్యటన ప్రాధాన్యం సంతరించుకొంది.

రెండ్రోజుల పాటు ఇక్కడే ఉండి ముఖ్యమంత్రి, పీసీసీ అధ్యడితోపాటు పాటు ఎంపీలు, ఎమ్మెల్యేలు, ఎమ్మెల్సీలు, పార్టీ నేతలతో ఆయన వేర్వేరుగా సమావేశం కానున్నారు. తమిళనాడు, పుదుచ్చేరి, అస్సాం బాధ్యతలు కూడా చూస్తూ వచ్చిన ఆజాద్‌ అక్కడి ఎన్నికలపై దృష్టిపెట్టి ఇన్ని రోజులూ ఆంధ్రప్రదేశ్‌ గురించి పట్టించుకోలేదు. మార్చి 25న ఢిల్లీలో తెలంగాణ, సీమాంధ్ర ఎంపీలతో విడివిడిగా సమావేశం కావడం తప్ప ఎలాంటి పార్టీ కార్యక్రమాన్నీ చేపట్టలేదు. ఇప్పుడు రాష్ట్రంలో ఆయన ముందు ప్రధానంగా నాలుగు సవాళ్లున్నాయి. అందులో మొదటిది తమ వర్గంలో చాలా మంది ఎమ్మెల్యేలున్నట్లు జగన్ వెంట వెళుతున్న నేపథ్యంలో వాస్తవ పరిస్థితి ఏమిటి, ఎవరు పార్టీతో ఉంటారు, ఎవరు వ్యతిరేకంగా వెళతారు, అన్న విషయాలపై ఆయన దృష్టి సారించున్నారు. నలుగురు ఎమ్మెల్యేలపై అనర్హత వేటు వేయాలని ఉపసభాపతికి సీఎల్పీ ఫిర్యాదు చేసిన నేపథ్యంలో ఇతర ఎమ్మెల్యేల పరిస్థితి ఏంటన్నది ఆజాద్‌ చర్చించనున్నట్లు తెలిసింది.

ఆ వివరాలను ఆయన అధిష్ఠానం దృష్టికి తీసుకువెళతారని, అక్కడ చర్చించాక తదుపరి చర్యలుంటాయని సమాచారం. ముఖ్యమంత్రిని క్రియాశీలం చేయడం
వైయస్ మరణానంతరం పార్టీలో ఏర్పడిన నాయకత్వ లోటును పూడ్చడానికి కాంగ్రెసు అధిష్ఠానం బలమైన సామాజికవర్గానికి చెందిన కిరణ్‌కుమార్‌రెడ్డిని ముఖ్యమంత్రిగా కూర్చోబెట్టినా ఆయన పార్టీలో ధైర్యం నింపే చొరవ చూపలేకపోతున్నారన్న విమర్శ ఉంది. పార్టీ నాయకులెవ్వరితో ఆయన కలవలేకపోతున్నారని, ఎవరినీ విశ్వాసంలోకి తీసుకోవడం లేదనే భావన ఎంపీల్లో ఉంది. పార్టీకి, ప్రభుత్వానికి ఇబ్బందులు కలిగించే అంశాలు తలెత్తినప్పుడు బహిరంగంగా ధైర్యంగా మాట్లాడే చొరవ చూపలేకపోతున్నారని చెబుతున్నారు. కడప ఉప ఎన్నిక సమయంలో ప్రదర్శించిన వైఖరి ఆయనలోని నాయకత్వ లోపాన్ని ఎత్తిచూపిందంటున్నారు.

ఉప ఎన్నికల అనంతరం ఢిల్లీకొచ్చిన డిఎల్ రవీంద్రారెడ్డి అధిష్ఠానం వద్ద ముఖ్యమంతి శైలిపై అసంతృప్తి వ్యక్తం చేసినట్లు సమాచారం. ఈ నేపథ్యంలో ఆజాద్‌ తొలుత ముఖ్యమంత్రి వ్యవహార శైలిలో మార్పు తీసుకురావాల్సి ఉందని ఎంపీలంటున్నారు. ఈ నెల్లోనే పీసీసీ ఎన్నికల ప్రక్రియ ప్రారంభమవుతున్నందున దానిపై చర్చ జరుగుతుంది. రెండుసార్లు పీసీసీ అధ్యక్షుడిగా నియమితులైన డి.శ్రీనివాస్‌ ప్రస్తుతం తాత్కాలిక ప్రాతిపదికన కొనసాగుతున్నారు. తన రాజకీయ భవిష్యత్తు ఏమిటో తెలియని గందరగోళంలో ఆయన ఉన్నారని, అలాంటి వ్యక్తి పార్టీని ఏం నడుపుతారని సీనియర్‌ నాయకుడు ఒకరు ప్రశ్నించారు. రాష్ట్రవ్యాప్తంగా తిరిగి పార్టీశ్రేణులను ఉత్సాహపరచాల్సిన పరిస్థితుల్లో ఆయన హైదరాబాద్‌ వదిలిపెట్టిపోవడం లేదని, కడప ఉప ఎన్నికల్లో ముఖ్యమంత్రితో సహా నాయకులంతా తిరిగినా డీఎస్‌ మాత్రం అటువైపు కన్నెత్తి చూడలేదని ఉదహరిస్తున్నారు.

డిఎస్‌ వ్యవహారశైలి నచ్చని తెలంగాణ ఎంపీలంతా మల్కాజ్‌గిరి ఎంపీ సర్వేసత్యనారాయణ పేరును ఆ పదవికి ప్రతిపాదిస్తున్నట్లు తెలుస్తోంది. తెలంగాణ అంశం కాంగ్రెసుకు ప్రధాన అడ్డంకిగా మారిన ఈ అంశంపై ఏదో ఒకటి త్వరగా తేల్చేయాలని పార్టీ నాయకులు అభిప్రాయపడుతున్నారు. అధిష్ఠానం మనసులో మాటేంటో కచ్చితంగా చెబితే దానికనుగుణంగా నడుచుకోవడానికి వీలవుతుందని పేర్కొంటున్నారు. సోనియాతో భేటీ ఆజాద్‌ శనివారం ఉదయం 10-జన్‌పథ్‌లో సోనియాగాంధీని కలిసి రాష్ట్ర పర్యటనపై చర్చించారు. హైదరాబాద్‌ పర్యటనలో కచ్చితంగా తెలంగాణ అంశం తెరమీదికి వచ్చే అవకాశం ఉన్నందున దానిపై ఏం చెప్పాలన్నదానిపై కసరత్తు చేసినట్లు తెలుస్తోంది.పార్టీ బలోపేతంలో భాగంగా జిల్లాల అధ్యక్షుల ఎంపిక తదితర అంశాల గురించి క్షేత్రస్థాయి సమాచారాన్ని ఆజాద్‌ సమీక్షించనున్నారు.జాతీయ కాంగ్రెసు పార్టీకి ఐదు రాష్ట్రాల ఎన్నికలు సంతృప్తి మిగిల్చినప్పటికీ కడప ఉప ఎన్నికలు మాత్రం గట్టి దెబ్బ వేశాయి. ఎన్నికలు పూర్తయి ఫలితాలు రావడంతో కాంగ్రెసు ఇక రాష్ట్ర కాంగ్రెసు ప్రక్షాళనపై అధిష్ఠానం దృష్టి సారించినట్లుగా తెలుస్తోంది. ఇందులో భాగంగా రాష్ట్ర వ్యవహారాల పర్యవేక్షకుడు గులాం నబీ ఆజాద్‌ సోమవారం హైదరాబాద్‌ రానున్నారు. రెండు రోజులు ఇక్కడే ఉండనున్నారు. కడప ఉప ఎన్నికల్లో పార్టీ ఘోరపరాజయాన్ని అగ్ర నాయకత్వం తీవ్రంగానే పరిగణిస్తోంది. ఫలితాలపై పోస్టుమార్టం నిర్వహించడంతోపాటు రాష్ట్రంలో పార్టీ పరిస్థితిని మెరుగుపరచుకోవడం అత్యవసరంగా భావిస్తోంది. ముఖ్యమంత్రి- కొందరు మంత్రుల మధ్య స్పర్థలున్నట్లు వార్తలు వస్తున్న నేపథ్యంలో పరిస్థితిని గాడిన పెట్టాల్సిన అవసరాన్ని గుర్తించింది. పీసీసీ అధ్యక్షుడు, ముఖ్యమంత్రి, మంత్రుల మధ్య సమన్వయం కరవై కిందిస్థాయి శ్రేణులు అయోమయంలో ఉన్న తరుణంలో ఆజాద్‌ పర్యటన ప్రాధాన్యం సంతరించుకొంది.

రెండ్రోజుల పాటు ఇక్కడే ఉండి ముఖ్యమంత్రి, పీసీసీ అధ్యడితోపాటు పాటు ఎంపీలు, ఎమ్మెల్యేలు, ఎమ్మెల్సీలు, పార్టీ నేతలతో ఆయన వేర్వేరుగా సమావేశం కానున్నారు. తమిళనాడు, పుదుచ్చేరి, అస్సాం బాధ్యతలు కూడా చూస్తూ వచ్చిన ఆజాద్‌ అక్కడి ఎన్నికలపై దృష్టిపెట్టి ఇన్ని రోజులూ ఆంధ్రప్రదేశ్‌ గురించి పట్టించుకోలేదు. మార్చి 25న ఢిల్లీలో తెలంగాణ, సీమాంధ్ర ఎంపీలతో విడివిడిగా సమావేశం కావడం తప్ప ఎలాంటి పార్టీ కార్యక్రమాన్నీ చేపట్టలేదు. ఇప్పుడు రాష్ట్రంలో ఆయన ముందు ప్రధానంగా నాలుగు సవాళ్లున్నాయి. అందులో మొదటిది తమ వర్గంలో చాలా మంది ఎమ్మెల్యేలున్నట్లు జగన్ వెంట వెళుతున్న నేపథ్యంలో వాస్తవ పరిస్థితి ఏమిటి, ఎవరు పార్టీతో ఉంటారు, ఎవరు వ్యతిరేకంగా వెళతారు, అన్న విషయాలపై ఆయన దృష్టి సారించున్నారు. నలుగురు ఎమ్మెల్యేలపై అనర్హత వేటు వేయాలని ఉపసభాపతికి సీఎల్పీ ఫిర్యాదు చేసిన నేపథ్యంలో ఇతర ఎమ్మెల్యేల పరిస్థితి ఏంటన్నది ఆజాద్‌ చర్చించనున్నట్లు తెలిసింది.

ఆ వివరాలను ఆయన అధిష్ఠానం దృష్టికి తీసుకువెళతారని, అక్కడ చర్చించాక తదుపరి చర్యలుంటాయని సమాచారం. ముఖ్యమంత్రిని క్రియాశీలం చేయడం
వైయస్ మరణానంతరం పార్టీలో ఏర్పడిన నాయకత్వ లోటును పూడ్చడానికి కాంగ్రెసు అధిష్ఠానం బలమైన సామాజికవర్గానికి చెందిన కిరణ్‌కుమార్‌రెడ్డిని ముఖ్యమంత్రిగా కూర్చోబెట్టినా ఆయన పార్టీలో ధైర్యం నింపే చొరవ చూపలేకపోతున్నారన్న విమర్శ ఉంది. పార్టీ నాయకులెవ్వరితో ఆయన కలవలేకపోతున్నారని, ఎవరినీ విశ్వాసంలోకి తీసుకోవడం లేదనే భావన ఎంపీల్లో ఉంది. పార్టీకి, ప్రభుత్వానికి ఇబ్బందులు కలిగించే అంశాలు తలెత్తినప్పుడు బహిరంగంగా ధైర్యంగా మాట్లాడే చొరవ చూపలేకపోతున్నారని చెబుతున్నారు. కడప ఉప ఎన్నిక సమయంలో ప్రదర్శించిన వైఖరి ఆయనలోని నాయకత్వ లోపాన్ని ఎత్తిచూపిందంటున్నారు.

ఉప ఎన్నికల అనంతరం ఢిల్లీకొచ్చిన డిఎల్ రవీంద్రారెడ్డి అధిష్ఠానం వద్ద ముఖ్యమంతి శైలిపై అసంతృప్తి వ్యక్తం చేసినట్లు సమాచారం. ఈ నేపథ్యంలో ఆజాద్‌ తొలుత ముఖ్యమంత్రి వ్యవహార శైలిలో మార్పు తీసుకురావాల్సి ఉందని ఎంపీలంటున్నారు. ఈ నెల్లోనే పీసీసీ ఎన్నికల ప్రక్రియ ప్రారంభమవుతున్నందున దానిపై చర్చ జరుగుతుంది. రెండుసార్లు పీసీసీ అధ్యక్షుడిగా నియమితులైన డి.శ్రీనివాస్‌ ప్రస్తుతం తాత్కాలిక ప్రాతిపదికన కొనసాగుతున్నారు. తన రాజకీయ భవిష్యత్తు ఏమిటో తెలియని గందరగోళంలో ఆయన ఉన్నారని, అలాంటి వ్యక్తి పార్టీని ఏం నడుపుతారని సీనియర్‌ నాయకుడు ఒకరు ప్రశ్నించారు. రాష్ట్రవ్యాప్తంగా తిరిగి పార్టీశ్రేణులను ఉత్సాహపరచాల్సిన పరిస్థితుల్లో ఆయన హైదరాబాద్‌ వదిలిపెట్టిపోవడం లేదని, కడప ఉప ఎన్నికల్లో ముఖ్యమంత్రితో సహా నాయకులంతా తిరిగినా డీఎస్‌ మాత్రం అటువైపు కన్నెత్తి చూడలేదని ఉదహరిస్తున్నారు.

డిఎస్‌ వ్యవహారశైలి నచ్చని తెలంగాణ ఎంపీలంతా మల్కాజ్‌గిరి ఎంపీ సర్వేసత్యనారాయణ పేరును ఆ పదవికి ప్రతిపాదిస్తున్నట్లు తెలుస్తోంది. తెలంగాణ అంశం కాంగ్రెసుకు ప్రధాన అడ్డంకిగా మారిన ఈ అంశంపై ఏదో ఒకటి త్వరగా తేల్చేయాలని పార్టీ నాయకులు అభిప్రాయపడుతున్నారు. అధిష్ఠానం మనసులో మాటేంటో కచ్చితంగా చెబితే దానికనుగుణంగా నడుచుకోవడానికి వీలవుతుందని పేర్కొంటున్నారు. సోనియాతో భేటీ ఆజాద్‌ శనివారం ఉదయం 10-జన్‌పథ్‌లో సోనియాగాంధీని కలిసి రాష్ట్ర పర్యటనపై చర్చించారు. హైదరాబాద్‌ పర్యటనలో కచ్చితంగా తెలంగాణ అంశం తెరమీదికి వచ్చే అవకాశం ఉన్నందున దానిపై ఏం చెప్పాలన్నదానిపై కసరత్తు చేసినట్లు తెలుస్తోంది.పార్టీ బలోపేతంలో భాగంగా జిల్లాల అధ్యక్షుల ఎంపిక తదితర అంశాల గురించి క్షేత్రస్థాయి సమాచారాన్ని ఆజాద్‌ సమీక్షించనున్నారు.

కడప కింగ్ ఆవినీతి గెలిచింది

కడప లోకసభ, పులివెందుల శాసనసభ ఉప ఎన్నికల ఫలితాలు పలు ప్రశ్నలను ముందుకు తెస్తున్నాయి. ఉప ఎన్నికలు వైయస్ జగన్ చెప్పినట్లు రాష్ట్ర రాజకీయాల్లో భారీ మార్పులకు నాంది పలుకుతాయా అనే ప్రశ్న అత్యంత ప్రధానంగా ముందుకు వస్తుంది. భారీ మెజారిటీతో వైయస్ జగన్, వైయస్ విజయమ్మ విజయం ఏ విధమైన సంకేతాలను అందిస్తోందనేది ప్రధానాంశం. సాధారమైన మెజారిటీతో వీరిద్దరు గెలిచి ఉంటే ఈ ప్రశ్నలకు అవకాశం ఉండేది కాదు. సెంటిమెంటు వల్ల విజయం సాధించారని చెప్పి తప్పించుకోవడానికి కాంగ్రెసు, తెలుగుదేశం పార్టీలకు అవకాశం ఉండేది. కానీ ఇప్పుడు ఆ అవకాశం లేకుండా పోయింది.

వైయస్సార్‌కు లభించిన దాని కన్నా ఎక్కువ మెజారిటీ విజయమ్మకు, జగన్‌కు లభించింది. వైయస్సార్ మరణం వల్ల పెల్లుబుకిన సానుభూతి ఎన్నికల్లో ఏదో మేరకు పని చేసిందని అంగీకరించక తప్పదు. కానీ, అంతకు మించిన సంకేతాన్ని ఈ ఉప ఎన్నికల ఫలితాలు ఇచ్చాయని అంటున్నారు. వైయస్సార్ రాజకీయ వారసత్వాన్ని వైయస్ జగన్‌కు కట్టబెట్టడానికి ప్రజలు సిద్ధమయ్యారనే విషయాన్ని కూడా చెప్పినట్లు విశ్లేషిస్తున్నారు. వైయస్సార్ కాంగ్రెసులో ఉండడం వల్లనే సంక్షేమ పథకాలను అమలు చేశారని, అవన్నీ కాంగ్రెసు పథకాలేనని నమ్మడానికి ప్రజలు సిద్ధంగా లేరని కూడా అర్థమవుతోంది. కాంగ్రెసులో ఉన్నప్పటికీ ఆ పథకాలను రాజశేఖర రెడ్డి కాబట్టే అమలు చేశారని, మరో ముఖ్యమంత్రి అయితే అమలు చేసి ఉండేవారు కారని ప్రజలు భావిస్తున్నట్లు చెప్పవచ్చు.

జనాదరణ లేని నాయకులను ముఖ్యమంత్రులుగా నిలబెట్టే కాంగ్రెసు అధిష్టానం వైఖరిపై నిరసనగా కూడా ఫలితాలను చూస్తున్నారు. పైగా, ఓ కొడుకును, ఓ తల్లిని ఒంటరి చేసి ఓడించాలని ప్రయత్నాలు చేస్తున్నారని వైయస్ జగన్ తన ప్రచారంలో చెప్పిన మాట బాగానే పని చేసిందని కూడా అంటున్నారు. అలాగే, కాంగ్రెసు, తెలుగుదేశం పార్టీలు తనను ఓడించడానికి కుమ్మక్కయ్యాయని జగన్ వర్గం చేసిన విమర్శ కూడా ప్రజల్లోకి వెళ్లిందని చెబుతున్నారు. వైయస్ జగన్ అవినీతిపై తెలుగుదేశం పార్టీ అధ్యక్షుడు నారా చంద్రబాబు నాయుడు చేసిన ఆరోపణలను ప్రజలు పెద్దగా పట్టించుకోలేదనే చెప్పవచ్చు. అలాగే, వైయస్ రాజశేఖర రెడ్డి రాజకీయ వారసత్వాన్ని సొంతం చేసుకోవడానికి ప్రయత్నించిన కాంగ్రెసు నాయకులను కూడా ప్రజలు తిప్పి కొట్టారు.

రాష్ట్రవ్యాప్తంగా కడప, పులివెందుల ఉప ఎన్నికల్లో వ్యక్తమైన ప్రజాభిప్రాయమే వ్యక్తం కావచ్చుననే ఆందోళన కాంగ్రెసు, తెలుగుదేశం పార్టీలను తీవ్ర మథనానికి గురి చేసే అవకాశాలున్నాయి. ఉప ఎన్నికల ఫలితాల ప్రభావం రాష్ట్రవ్యాప్తంగా చూపడానికి జగన్ వర్గం వెనకాడదనేది నిజం. ఏమైనా, వైయస్ జగన్‌కు ఉప ఎన్నికల ఫలితాలు ఎనలేని మనో ధైర్యాన్నిచ్చాయని చెప్పక తప్పదు.

నేనంటే నాకెంతో ఇష్టం

చెక్కిలి మీంచి జారి పడే నీ కన్నీటి చుక్కలని
నేల బడకుండా నా దోసిలి పట్టి
అందులో నేను నీకు చూపించే
ముడుచుకున్న నీ ప్రతిబింబం లొ
నువ్వు మరిచిపోయిన
చిరునవ్వు ఆనవాలు లేదని చెప్పి
నవ్వుల పువ్వులు నీ మోముపైన
పూయించిన ప్రతి సారీ...

నేనంటే నాకెంతో ఇష్టం
నీ కష్టం లొ నేనున్నందుకు
ఆ దోసిలి నాదైనందుకు..

తల్లి కొడుకు ఈ రోజుల్లొ ఎంత వరుకు ??

నవ మాసాలూ మోసి
నలుగు పెట్టి స్నానం చేయించి
నాలుగు ముద్దలు పెట్టి
నడక నేర్పించి బడికి పంపి
నచ్చిన పిల్లకిచ్చి పెళ్లి చేసి
నా బంగారు కొండ అని మురిసిన తల్లికి
నడుం పడిపోయి మంచం పట్టగా
చూసుకోడానికి రావాల్సిన కొడుకు - కనపడుట లేదు
చివరగా కట్టుకున్న పెళ్ళాం కౌగిలిలో
కళ్ళు మూసుకుని వుండగా చూసిన గురుతు

ఇప్పుడు నిద్ర కావాలన్నాపట్టట్లేదు

నీ కమ్మని ఒడిలో
నా కన్నుల కిటికీలు మూసి
కరిగిపోవాలని ఉంది ..
సాయంకాలం సూర్యున్ని పంపేసి
వెలుతురుని వెళ్ళ గొట్టేసి
మిణుగురులని కూడా తరిమేసి
మబ్బుల్లాంటి మెత్తటి పరుపు మీద
చక్కటి దుప్పటి కప్పుకుని
దిండు మీద తల పెట్టి
నా గుండె సడి వినపడే నిశ్శబ్దంలో
నీ రాక కొరకు వేచి వున్న నాకు
నీ దర్శన భాగ్యం కలగదేమి?
వయసులో వున్నప్పుడు
నిన్ను నిర్లక్ష్యం చేసానని
నా మీద కక్ష కట్టావా?
నన్ను మన్నించు
నీ కౌగిట కరిగించు

ఇది ఎందుకంటే:
రాత్రంతా మెలకువగా ఉండే అలవాటు నాకు..
చిన్నప్పుడు అమ్మ పదే పదే పడుకోమని చెప్పినా పట్టించుకునే వాడిని కాదు..
ఇప్పుడు నిద్ర కావాలన్నాపట్టట్లేదు
"అందుకే చిన్నప్పటి నించి తొందరగా నిద్ర పోరా అని చెప్పా" అని అమ్మ అంటుంటే
ఇలా నిద్రా దేవికి విన్నపం రాసాను..

నిరాశతో అందరినీ నిందిచాలనుకున్నాను

నా చుట్టూ పరుచుకున్న చీకటిలో
కళ్ళు నులుముకుని కర్తైన్ తీసి చూస్తే


చందమామ వెన్నెల చల్లుతున్నాడు
మంచు పూలతో తడిసిన నేల
తెల్లని తివాచి లా వెలిగిపోతుంది
మబ్బులు మేమేం తక్కువ తిన్నామా అని
వెన్నెలకి తమ దూది మేనులతో మెరుపులు దిద్దాయి
మినుకు మినుకు మంటూ మధ్యలో చుక్కలు
మెరిసి మెరిసి మాయమవుతున్నాయి


ఎంత పిచ్చి వాడిని నేను
కళ్ళు మూసుకుని లోకమంతా
చీకటిలో వుందని చింతిస్తున్నాను
కళ్ళు వుండీ లాభంలేదని
నిరాశతో అందరినీ నిందిచాలనుకున్నాను

రెప్పలు తీసే ప్రయత్నం
కిటికే చేరే పయనం
కర్తైన్ తీసే ధైర్యం చేస్తే..

నా కోసం లోకంలో చీకటిని తరిమేయ్యడానికి
నా నేస్తాలు చేసిన సాయం కనిపించింది
లోకం బావుంది నలువైపులా
నన్ను అలుముకున్న సంతోషంలా

పొద్దున్నే మూడున్నరకి కిటికీ CURTAIN తెరిస్తే కనిపించిన దృశ్యం స్ఫూర్తిగా....

చిరంజీవి ఇప్పుడు గిలగిలా తన్నుకుంటున్నట్లే

ఏరు దాటాక తెప్పను తగిలేయడం కాంగ్రెసు సంస్కృతి అనే మాట మరోసారి రుజవు అవుతోంది. కాంగ్రెసు అధ్యక్షురాలు సోనియా గాంధీ మాటలకు బోల్తా పడిన ప్రజారాజ్యం పార్టీ అధ్యక్షుడు చిరంజీవి ఇప్పుడు గిలగిలా తన్నుకుంటున్నట్లే ఉన్నారు. పిలిచి సింహాసనం ఇస్తామని చెప్పిన సోనియా గాంధీ ఇప్పుడు చిరంజీవికి మొండిచేయి చూపుతున్నట్లే ఉన్నారు. రాష్ట్ర కాంగ్రెసులో నెంబర్ వన్‌గా నిలబడాలని అనుకున్న చిరంజీవి ఆశలకు ఆదిలో కాంగ్రెసు అధిష్టానం గండి కొడుతోంది. విలీన సభను అట్టహాసంగా నిర్వహించి తన సత్తాను సోనియా గాంధీకో, రాహుల్ గాంధీకో చూపాలని ఆయన కలలు కంటూ వస్తున్నారు. ఆ కలలను కాంగ్రెసు అధిష్టానం చిదిమేసేదుకు ఏ మాత్రం వెనకాడడం లేదు.

కాంగ్రెసు చేతికి చిక్కిన చిరంజీవి ఇప్పుడు ఎటూ పోలేని పరిస్థితిలో చిక్కుకున్నారు. ఒడ్డున పడిన చేపలా విలవిలలాడుతున్నారు. గతంలో అడక ముందే అపాయింట్‌మెంట్ ఇచ్చిన సోనియా ఇప్పుడు అడిగినా ఇవ్వడం లేదు. విలీన సభకు రాహుల్ గానీ, సోనియా గానీ రారని కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్ చిరంజీవికి మొహమాటం లేకుండా చెప్పేశారని అంటున్నారు. అంతేకాదు, భారీగా విలీన సభను జరపాల్సిన అవసరం లేదని, తమ పార్టీ కార్యాలయంలో పార్టీ కండువా కప్పి పార్టీలోకి తీసుకుంటామని కూడా ఆయన చెప్పారట. దీంతో కంగు తినడం చిరంజీవి వంతైంది. వెనక్కి రాలేక ముందుకు పోలేక చిరంజీవి గిజగిజలాడుతున్నట్లే చెప్పాలి.

చిరంజీవికి రాష్ట్రంలో అంత సీన్ లేదని, అంతగా ప్రాధాన్యం ఇవ్వలేదని కాంగ్రెసు నాయకులెవరో సోనియాకు పూస గుచ్చినట్లు చెప్పారని సమాచారం. అంతేకాదు, చిరంజీవిని ప్రోత్సహిస్తే ఓ వర్గాన్ని మాత్రమే ప్రోత్సహిస్తున్న సంకేతాలు ప్రజల్లోకి వెళ్తాయని, దాని వల్ల బలమైన సామాజిక వర్గం ఒకటి దూరమయ్యే ప్రమాదం ఉందని సోనియాకు చెప్పారని సమాచారం. కమ్మ సామాజిక వర్గానికి, కాపు సామాజిక వర్గానికి మధ్య విభేదాలను, వైరాలను చిరంజీవిని దెబ్బ తీయడానికి వాడుకున్నట్లు చెబుతున్నారు. దానికి తోడు, రెడ్లు లేకుండా కాంగ్రెసు మనుగడ సాగించడం కూడా కష్టమని చెప్పారని తెలుస్తోంది. చిరంజీవిని ఎక్కువగా ఆదరిస్తే రెడ్లు వైయస్సార్ కాంగ్రెసు పార్టీ నాయకుడు వైయస్ జగన్ వైపు చూసే అవకాశం ఉందని కూడా చెప్పారని అంటారు. ఏమైనా, కాంగ్రెసులో ఎప్పుడు ఏమవుతుందో, ఎప్పుడు ఎవరు పైకొస్తారో, పాతాళానికి దిగజారుతారో చెప్పడం సాధ్యం కాదని మరోసారి రుజువు అయిందని చెప్పవచ్చు

ఫేస్‌బుక్‌ వినియోగదార్ల ఖాతా వివరాలన్నీ మూడో వర్గానికి(థర్డ్‌ పార్టీ)??@@!!##

మీకు ఫేస్‌బుక్‌లో ఖాతా ఉందా.. అయితే కొంచెం జాగ్రత్త. వందల వేలకొద్దీ ఫేస్‌బుక్‌ వినియోగదార్ల ఖాతా వివరాలన్నీ మూడో వర్గానికి(థర్డ్‌ పార్టీ) ముఖ్యంగా వ్యాపార ప్రకటనల వారికి లీకవుతున్నట్లు డేటా సెక్యూరిటీ సొల్యూషన్ల సంస్థ సిమాంటెక్‌ వెల్లడించింది. కొన్నేళ్లుగా ఇలా జరుగుతోందని ఆ సంస్థ తన అధికారిక బ్లాగులో పేర్కొంది. ఫేస్‌బుక్‌ ఖాతాదారుల 'యాక్సెస్‌ టోకెన్లు' లీక్‌ కావడంతో ప్రకటనదార్లు ఆయా ఖాతాల్లోని ప్రొఫైల్స్‌, ఫొటోలు, చాటింగ్‌ వివరాలను వారు పొందడమే కాకుండా ఆయా ఖాతాల్లోకి సందేశాలను పంపడమూ చేస్తున్నారని వివరించింది. యాక్సెస్‌ టోకెన్లనేవి అదనంగా ఇచ్చే తాళం చెవుల లాంటివి.

వీటి ద్వారా ఖాతాదారు బదులు వేరెవరైనా ఖాతాను యాక్సెస్‌ చేసుకోవచ్చు. కేవలం గత నెలలోనే 1,00,000 అప్లికేషన్లు లీకేజీ పాలయ్యాయని సిమాంటెక్‌ అంచనా. కొన్నేళ్లుగా చూస్తే లక్షల కొద్దీ టోకెన్లు వారిబారినపడి ఉండొచ్చని ఆ సంస్థ తన బ్లాగులో తెలిపింది. ఫేస్‌బుక్‌ సంస్థకు ఈ విషయాన్ని తెలిపామనీ.. లీకేజీ గురించి ఆ సంస్థ సైతం అంగీకరించిందని.. అందుకు తగ్గ చర్యలు తీసుకోనున్నట్లు కూడా తమకు వివరించిందని అందులో పేర్కొంది

తెలుగుదేశం పార్టీ పోలిట్ బ్యూరో సమావేశాo

ఎన్టీఆర్ ట్రస్టు భవన్‌లో ఏర్పాటు చేసిన తెలుగుదేశం పార్టీ పోలిట్ బ్యూరో సమావేశానికి గురువారం ఎంపీ, పార్టీ అధినేత చంద్రబాబునాయుడు బావమరిది హరికృష్ణ, తెలంగాణ అంశంపై పార్టీపై తిరుగుబాటు చేస్తున్న సీనియర్ ఎమ్మెల్యే నాగం జనార్ధన్ రెడ్డి హాజరు కావడం పలువురుని విస్మయానికి గురి చేసింది. గత కొంతకాలంగా హరికృష్ణ - చంద్రబాబు మధ్య వారసత్వ పోరు నడుస్తున్నట్టుగా వాదనలు వస్తున్న విషయం తెలిసిందే. చంద్రబాబు తర్వాత టిడిపి వారసుడిగా నందమూరి వంశమే ఉండాలనిచూస్తున్న హరికృష్ణ, చంద్రబాబు తనయుడు లోకేష్ రాజకీయాల్లో ప్రత్యక్ష పాత్ర పోషించడం జీర్ణించుకోలేక పోతున్నారనేది వార్తల సారాంశం. బాబు తర్వాత నారా వంశానికి చెక్ పెట్టేందుకు హరికృష్ణ జూనియర్ ఎన్టీఆర్‌ను తెరపైకి తెచ్చారు. అనంతరం ఇరు కుటుంబాల మధ్య ఎక్కడా ప్రత్యక్షంగా గొడవలు జరగనప్పటికీ పరోక్షంగా మాత్రం ఓ చిన్నపాటి యుద్ధమే జరిగింది. అది నిజమేనన్నట్లు పెళ్లి సంబంధాన్ని సెట్ చేసిన చంద్రబాబే జూ.ఎన్టీఆర్ పెళ్లిలో ముక్తసరిగా కనిపించడం వారి మధ్య వారసత్వ పోరు నడుస్తున్నదనే విషయాన్ని చెప్పకనే చెప్పాయి.

ఇక నాగం జనార్ధన్ రెడ్డి కూడా గత కొన్నాళ్లుగా పార్టీలో ఉంటూనే కాలికి ముల్లులా తయారయ్యాడు. తెలంగాణకు అనుకూలంగా పార్టీలు నిర్ణయం తీసుకోకుంటే మనుగడ సాగించలేవని టిడిపిలో ఉంటూనే విమర్శలు చేశారు. అధినేత చంద్రబాబుపై కూడా పరోక్షంగా ఘాటుగానే విమర్శలు చేశారు. ఈ నేపథ్యంలో నాగం, హరికృష్ణలు పార్టీ సమావేశానికి రారని అందరూ భావించారు. కానీ వారిద్దరూ సమావేశాలకు రావడం అందరికీ విస్మయం కలిగించింది. అయితే సమావేశంలో, తర్వాత వారు ఏమి మాట్లాడుతారో అనే దానిపై ఇప్పుడు అందరూ ఉత్కంఠగా ఉన్నారు.

ఇళయరాజా, మోహన్ బాబు సంయుక్తంగా సంగీత విశ్వ విద్యాలయాన్ని నెలకొల్పటానికి సంకల్పించుకున్నారు.

మాస్ట్రో ఇళయరాజా తన అద్వితీయమైన సంగీత జ్ఞానంతో అజరామరమైన పాటలను రూపొందించి సంగీత ప్రియులను మైమరపించారు. ఇప్పుడు ఆ స్వరబ్రహ్మ తన జ్ఞానాన్ని నలుగురికి పంచుతూ రేపటితరం సంగీత కళాకారులను తయారు చేసే పనికి పూనుకున్నారు. ఈ ప్రయత్నానికి ప్రముఖ నటుడు, నిర్మాత పద్మశ్రీ డా. మోహన్ బాబు చేయూతనందించనున్నారు.

ఇళయరాజా, మోహన్ బాబు సంయుక్తంగా సంగీత విశ్వ విద్యాలయాన్ని నెలకొల్పటానికి సంకల్పించుకున్నారు. వారిరువురు సోమవారం రాత్రి తిరుమలలో వెంకటేశ్వర స్వామి సన్నిదిలో ఈ విషయాన్నీ విలేకరులకు తెలియజేసారు. మోహన్ బాబు మాట్లాడుతూ ప్రపంచంలోనే ఇంతవరుకు సంగీత విశ్వ విద్యాలయం లేదు, తిరుపతిలో తాను ఏర్పాటు చేసిన శ్రీ విద్యానికేతన్ ప్రాంగణంలోనే ఈ సంగీత యునివర్సిటీ స్థాపన జరుగుతుందని అన్నారు. ఈ అంశానికి సంబందించిన పూర్తివివరాలు త్వరలోనే వెల్లడి కానున్నాయి.