తల్లడిల్లుతున్న తెలుగు తల్లి

భాషను తల్లి తర్వాత తల్లిగా (ప్రచారం) చేసిన వాడు తెలుగు వాడే !
అలాగే ……
తన సొంత రాష్ట్రం లో తన సొంత భాషను అధికార భాషగా చేసుకోలేక పోయినవాడు,
అరవై ఏళ్లయినా తన భాషను పక్కన పెట్టి ఇంకా పరాయి భాషలో పరిపాలన సాగించే
అసమర్దుడూ తెలుగు వాడే అన్న కఠోర వాస్తవాన్ని కూడా మరచి పోవద్దు.
తమిళ తంబి, హిందీ అన్న ఇతర భాషల వాళ్ళు తమ రాష్ట్రాల్లో చక్కగా ప్రజల భాషలో
పాలన సాగించు కుంటున్నారు.
వాళ్ళేమీ తమ భాషలను తల్లులుగా ప్రచారం చేసి విగ్రహాలు నెలకొల్పుకోక పోయినా
తమ భాషలను అద్భుతంగా పాలనా భాషలుగా తీర్చి దిద్దుకున్నారు.
మనం…
ఏదో తల్లి అంటూ ఆత్మవంచనకు, పర వంచనకు పాల్పడుతున్నాం.
ఇదంతా రాజకీయ కుట్రలో భాగమే తప్ప నిజమైన అభిమానం కాదు.
మనవాళ్ళు ఉత్త వెధవాయిలోయ్ అని గురజాడ ఊరికే అన్నాడా మరి.