అరిచే కుక్క కరవదు

అని అందరికీ ఓ నమ్మకం
ఒక వేళ కరిస్తే బొడ్డు చుట్టూ
పద్నాలుగు సూదులు పొడి పించుకోవాలనే
మరో నమ్మకం
ఆ నమ్మకాలన్నీ విడిచి పెట్టండి.
అట్టని నేను జన విజ్ఞాన వేదిక కార్యకర్తను కాను,
ఆంధ్రాలో రోజుకొక్కరైనా కుక్క కరిచి చస్తున్నారు
పద్నాలుగు బదులు వచ్చిన ఒక్క సూది కూడా
ఆంధ్రాలో దొరకదు
అలా తయారయ్యింది మన ఆస్పత్రుల పరిస్థితులు.

మనకు ఉచితంగా వచ్చే ఆరోగ్య శ్రీ లు కావాలి కానీ
కుక్క కరిచి పోతే ఏమి అని అనుకొనే రోజులు వచ్చేసాయి.

అమెరికా వాళ్ళకు ఈ విషయం తెలియనట్టు ఉంది
లేదంటే ఈ పాటికి ఆంధ్రాకు వెళ్లి కుక్క కరిచి చావకండి
అని అందరూ కాండ్రించి ఉమ్మేట్టు
తమ పౌరులకు హెచ్చరికలు చేసి ఉండేది.